اليـــــك يــــــارب عبدك مـــد كــــف اليـــــــد
مـــــن قلب صادق اليــــك شاكــي بمــــا عنده
يـــــاســــاتر الحـــــال سترك يـــــاكريم اليـــد
اســـــتر عيــــــوبي وزيــــل الـــــــهم والنهده
اليــــد يــــارب لغيــــرك قـــــــــط مـــــاتمتــد
انت المعـــين والرفيـــق بالعــــسر والشــــــده
تعلم بسري وجهري دون مـــــــا أحـــــــــــــد
تعلــــــم بعبـــــدك وغصــــه ساكـــنه كبـــــده
يارب انت الســـله والعـــون والمقصــــــــــــد
انت الرفيـــق فـــي حيـــاة عبـــــدك الى لـحده
انت المغيث الذي ماليس ســـواك اعبــــــــــــد
عــبدك دعـــاء ليك وهمـه قـد وصــل حــــــده
سهران ليـلي وطـــــــول الليــــل اتنهــــــــــــد
عقلــي مـع النفـس فـي مضــرب وفـي هـــــده
احيـــان علـــــــى العقـــل تتغــلب وتتمـــــــرد
وتدخـــله فــي متـاهـات دون مــاقصـــــــــــده
تعيشــــه بسئلـــــه ماشـــــي عليهــــــــــــا رد
منهــا تهينــه وتقــلب كــل شــي ضـــــــــــــده
يــارب سالــــك بحـــق القــــارعة وبجـــــــــد
وحــق عبـــادك ومـــالك يسجــــدو السجـــــده
وحـــق نبيــــك حبيبــــك سيــــــدي احمــــــــد
وحــق اسمــاك ذي ماليـــس لهــــا عــــــــــده
يــا رب مـــن الهـــم هـجرني الــنوم والمرقـــد
لــو نمــت ساعـــة تحـــرم راحـــة الـرقــــــده
الضغـــط فيــني ارتفــع والسعــــد مني شـــــد
مــن كثــر كتــم الهمــوم والضيــق بي عقـــده
أكتـــم همـــومي لاجـــل مــن حبهـم تسعـــــــد
وطــول عمــري اعيـــش بعيونهــم عمــــــده
ابقــى انــا العـــون لهــم في حــرها والـــــبرد
بالبحــر ابحــر بهــم مهمــا بلـــغ مــــــــــــده
اقصــد عيـــالي ماقصـــدي غيـــرهـــم احــــد
اكـــون لهـــم عـــون حتـــي اخـــر المــــــــده
ابقــى معـــاهم لحـــتى عودهـــــم يشتـــــــــــد
وبعــــدها لـــو ذهـــبت عــادي بـــــــدون رده
يكفــي بمــن ود اعـــدي جــزرهـا والمـــــــــد
لـــو الخطــــر جــــاء يكونـــوا قادرين صـــده
والان يــامرسلـــي شـــل الكتــــاب ازهــــــــد
ووصــــله للـــــذي بالقــــلب بنـــــاء ســـــــده
ابو حسيــــن صاحـــبي ذي لــه فــــــؤادي ود
وبالوفــــاء والرجولـــــــه اقتــــــــــــــرن وده
ياصاحبــي جيــت شـــاكي مــن زمان اربـــــد
أحيـــــان أقــــاوم واحيان حس موش قــــــــده
وأحيــــان بالنفـــــس اقاوم قوتــــه وعتـــــــــد
وراقبــــه بالتحـــرك وستطيـــــع رصـــــــــده
اوضــاعنــــا ياالسمــي مأســـاة تتجــــــــــــدد
شعـــب العــرب للاسـف ماسـك على خــــــده
الامــــس غـــزة فقــــل لـــي مــن عليــــها رد
وحنـــا نشاهـــد دمــاء وجثث في الرصـــــــده
واليـــوم دور البشيـــــر مطلــــــوب يتيهــــود
ولــــو ينفــــذ خططهــم كان لقي سعــــــــــــده
لكــن رفـــض يمتثـــل للامـــــر ويتــــــــــودد
ولا يســـاوم ويقبـــــل بيعــــة البلــــــــــــــده
في دار فـــور كان يبــي صهيـــون يتبـــــــــلد
وبـــوش زكــــاه يقـــــول هــذه بلاد جـــــــده
لـــذلك المحكمـــــة كــــانت لمثــــــله نـــــــــد
مطلوب ان يمتثــــل لتهــــم كثـــيرضـــــــده
والفارســـي ياعزيــزي بالبـــــلاد افســـــــــــد
بيــن العـــرب معتكـــف ينشـــر بذور حقــــده
ســـــلاح شامــــــل معــــه يشطـــــح ويتوعـد
صـــدام حـــاول وكانــت اخـــــرة سعـــــــــده
بعـــد العــراق والخليـــج مـــازال يتمـــــــــدد
ولــو حصــل ماحصـــل بانطلــــب النجــــــده
يعنـــي باعــــوان صهيـــون غصـب نستنجــد
يستعمـــــرونا نعيــــد مـــــا قد مضى عهـــده
من الخليـــج للمحيــط محــد بنــا استأســـــــــد
وحنـــا لـــنا المجـــد وعــدنا للابــــاء مجــــده
كســرى قهـــــرناه وقيصـــر مـننا تهـــــــــــدد
وشيـــخ الاسبـــــان رحــــل قصــره لنا هـــده
كيـــف العروبــــه تهــــاوت انتهــت بالمهـــد
متى يعــــــــــــود مجـــــــــــدنا يا الله لنا رده
اختــــــم صلاتــــي على سيـــد البشر احمــــــد
شفيعنــــــــا مــن جهنــم ساعـــة الشـــــــــــده
جواب:
الشاعر علي قاسم القاضي
أبدع بك ادعيك انت الواحد الاحـــــــــــد
ياحي قيوم جيتك ساعة الشـــــــــــــــــده
يامن لك الناس تتضرع وتتعبـــــــــــــــد
ياعالم الغيب أبوحسـون رفـع يـــــــــــده
يارب الارباب دعيتك لب لي المقصــــد
عيني على من قصدني طالب النجــــــده
في السـاعه الثانيـــه من ليلــة الأحــــــد
وأنا في الــــــــدار بـــين النــوم والسهده
سمعت طــــارق على الباب قلت بتأكــد
وإنه رسول صاحبي أبوعامـــــر العمده
رحبت به ثم بخــرتـــه بعــــــــــود النــد
وهو في المثــل عطــرنــي بـمــــا عنده
وقال هاك الرساله أريـــد منــك الـــــرد
يريد منك جوابك ساعة الــــــرده
وأبو حسين قال نفسي جزرهـــــا والمـد
أقوى من البحر في جـزره وفي مــــده
يا هاجسي هات ردك قبل يظن احــــــد
إني مقصر في الصـــــــاحب وفــي وده
بوعامر الحر ما مثله ولا يوجـــــــــــــد
حازالكرم والرجوله في البشر وحـــــده
والهاجس أقبل وسيفه حـــــــامله باليــــد
لايقطف الـــــــورد من بستان أبو سعـده
تقــــــدير لك يالسمي برسل بسلـــة ورد
والعطـــــــر والياسمين والعود مع النـده
عطر ثيابك وبخــــــر من معك يسعــــد
يالله عسى الدار بسكانه يعم سعـــــــــده
من بعد موجز للأخبار نار تتوقـــــــــد
في القلب والذل علينا رافــــع الصعــده
والنوم فارق عيوني هاجــــــر المرقــد
مرت سنين ما هنيت عيني الــــرقــــده
باسباب وضع العرب ذي لعزنا جــــرد
تاريخنا راح وانهون العداء مـجـــــــده
من يرفع الراس او يدعي ويتحمـــــــــد
يعلقوه في السلاسل كلهم ضــــــــــــــده
ومن عصاهم يسمونه ولد مرتــــــــــــد
هذه هي الغرب قد عدة له العـــــــــــده
ماترحم احد ولاتترك حداً يسعـــــــــــد
من زل لسانه تراهم يسلخو جلـــــــــده
والاْحتلاْل في بلاد الرافدين أفســــــــــد
اخلأق شعب كان مابين العرب عمــــده
احتل ارضه ودمر كل ما شيـــــــــــــد
صدام غادر وشعبه قد رحل بعـــــــــده
يارحمة الله على صدام تتـــــــــــــــردد
ويرحم الله من ينهج على عهـــــــــــــده
قد جيشو جيشهم لعسكرتنا ازهــــــــــــد
تذل من قال ربي خالقي وحــــــــــــــده
مايركع لغيره ولا ناوي لسواه يسجــــــد
الله وحده يحق له هذه السجــــــــــــــــده
ذا باب خلص واخر يلحق المشهـــــــــد
الفارسي في العراق ياخي فقد رشــــــده
كم ياملايين ذي قتل وذي شــــــــــــــرد
وكم معاقين منه داخل البلـــــــــــــــــده
مافيش من ينتقد ومن فعل قجحــــــــــــد
من مد يده عليهم يقطعوا زنـــــــــــــــده
في الدول بث سمومه واستعد واوعــــــد
انه يذل من يحاول يعترض جـهـــــــــده
واما العرب ويش باقول ربنا يشهـــــــد
ان العرب جمعتهم أغنيـــــــــــــة ورده
يتفاخرو في مسلسل نور ومهنــــــــــــد
ويسهرو في الملاهي لاخرالقــــــــــعـده
ياصاحبي ويش تريد من أمة محمــــــد
ذي اعلنت موتها في ساعة الـهـــــــــده
يوم ال صهيون بغزه ياعلي استفــــرد
قتل ودمر وهجر محدا صـــــــــــــده
والان دور البشير ياخوي بدا يصـــعد
نجمه سطع من اوربا فوق هـولنــــــــده
شوف مدعي المحكمه ضد البشيرحـــدد
تهم تشابه سوابقها لبو رغــــــــــــــــده
بعد البشير من هوالمطلوب يابواحمـــــد
الحلاق جاهز لبو قعشه يقص جعــــــده
لابارك الله بامه دوم تتشهــــــــــــــــــــد
وهي تذل نفسها للغرب او جـــــــــــــنده
كسرى ذهب ذي يزن لاعنده استنجـــــد
لطرد الاحباش من عالي جبل صــــعده
وقيصر الروم كم قتل وكم هـــــــــــــــدد
يامكتبة مصر قولي ويش سى عهـــــــده
وجرو الاسبان ماظني سطع له حـــــــد
ترك مكانه وعاد لادار ابو جــــــــــده
هذا وصلي وسلم ع النبي محمـــــــــــــــد
هوا خاتم الانبيا ماشي رسل بعـــــــــــده
مارس 2008
تحياتي
جواب الاحساس للشاعرين
يامالك الملك أنت العون والمقصد
من يقصدك ياعظيم الجودنال قصده
واناقصدتك ومالي عون غيرك حد
أنت الرجاوالأمل في حالةالشده
بسمك دعوتك وأنت الغوث والمنجد
ياسامع الصوت منك نطلب النجده
من فيض إلهام صافي النبع والمورد
ياهاجسي فك عنك الضيق والقهده
ليش انت ساكت تكلم ليش تتردد
مالك مطنن تثيرالآه والنهده
وبك أنافي الميادين أفتخرواشتد
اصول واجول وأنت الأصل والعمده
قال هاجسي أيش اقول ذاقال وذاندد
والكل يشجب ويستنكر حسب وعده
يكفي هدارقدمواصيرالأذان استد
خليني ارقدسنين الكهف معتده
لومايجيناصلاح الدين به نسعد
يوحدالعرب في صفه وفي يده
يقضي على من بحق المسلمين أفسد
وينصرالحق واحناكلناجنده
وأي مسؤول أتنصروأتيهود
يقضي عليهم ويقمع شلةالرده
وأي حاكم يبيع قوميته وارتد
ينال شرالجزا ويقيم عليه حده
يحقق العدل في عهده ويتعمد
باالحريه والرخاوالعيشه الرغده
يارب عجل وصوله ياسريع المد
أرحم عبادك إلاهي عجل المده
يحررالقدس من عدوان متعمد
قتل وخرب جعلهااطلال منهده
وندخل القدس نتركع ونتسجد
ونصيح الله أكبرقدصدق وعده
نثني على الله نتحمد ونتهجد
ونزيد شكره لأنه قدنصرجنده
مارايكم صح قولي اولكم مقصد
ورأي آخريزيل العسروالشده
شي هكذا أودعوني فالسبات ممتد
أعيش ميت وأقضي العمرفي لحده
شبعت مليت عهشه لونهاأسود
فقيرعاطل وخايف سلطةالعمده
لاأمن لاعدل لاإنسانيه توجد
ولامساواه ولاحديبتذل جهده
أعيش كيفه وغيري بلهنايسعد
راتب ومنصب موفركل شي عنده
ه
كيف زوجته تمتلك صالون مستورد
وقصرشامخ وفله في رباحده
وزوجتي فلحقول تزرع وتتحصد
اين المساواه امانه قيسوا العده
وكلناهكذا في مصروالمغرب
وفي الخليج أوبأرض الشام في شده
هذامعاك يارسولي سيربه وانشد
عن المريسي ويتسلم إلى يده
أيضا الى القاضي ارجوك سلمه بليد
نسخه ونسخه لمن في الملتقى عنده
خبرهم اني نثرت الدمع فوق الخد
حبرت حرفي بدمعات الأسى نهده...
اخواني المهندس النصيري
ابن غزة
أبا الا ان يكون له تعقيب على القصيدتين
وقد عقب بالقصيدة التالية
النصيري انه لغير ربه ما قد سجد
بشموخ "يـَـزدي" عمره ما مد أيده
رافع يــــده لربـــــه ربآه إنت الأحد
غيرك ما يغيرالحال ويعرف قصيده
مـــن صنعــــــا لغزه قد كرامته وجد
أمشيكي يادروب الشهامه ولو بعيده
وانشـــد خويي الذي لحزني انه نشد
واربــــط حبل الموده وريدي بوريده
يا ناس لو حللتوا دمي لمأرب أمــــد
وعلى شـــط المكلا وشم آثاره جديده
و مـــن حضرموت خِلّـي هـَلّى ونشد
وبـبـن صنعا وهيلها أسقاني بايـــده
وبيحان يا حليلها تشفى من كل رمــد
وحاشد على درب الوفا حُره مجيـــده
وتعز العز من عزها هَل واحتشــــــد
ومخا ديرة هَـلى للشموخ طل تزيــده
والحديده حدَهــــا يافا واللد وصفــــد
و"الســـبع"ديرتي بعدن مربوط جيده
وصعـــــده اللي يا جرحي للسما صعد
للـــــــــــم الشمل أدعي ربنا انه يعيده
ادعــــي على الذي فرقنا ووضع الحد
وسمانا باسماء شمطا وعـَِّره جديــده
62 عــــــام نادينا وحسافه ما رد أحد
ضاعت ديارنا وخلونا في بلوى مريده
يا مريسي ..الشعب جمل أرغى زَبَــــدْ
وحكامنا عهرهم راقصٍ متوسدٍ أيـــده
ويالقاضي.. الشعب حِملٍ أرخى وثــــد
وشــبابه فى التيه ياخوفي ما حد يعيده
دلوني علــــى دروب العرب لعلى اجد
من يجيبني علامكم أفـــول طريـــــده؟
شـــــاخت الفرقا وتشتتنا لكل له حــــد
يا ويلتـــــي مــــن جرحٍ ادمى صديــده
ضــــاعت ديارنـــــا والكرمه في جرد
وشـــــابت الولدان والكل لاقى وعيـده
العراق احتـــرق والعلـــــــــج به قعـــد
والحضـــــــاره حسافه صارت حصيده
والكبرياء بنـــــا يا عـــــــرب قد رعد
اينكـــــم كفاكـــم بوس الايادي الحقيده
غــــــزه المعتزه شامخه و شبلها أسد
يا زئــــير البوح من حشـــــاي تنهيده
للهــــــادي المهدي قلبي بــــه رشـــــد
أصلــــــى على النبي المختار وأزيده
شكراً لك يا النصيري من الاعماق