صوت مواطن

صباحكم سعيد : برغم انني اتجنب الخوض في الشأن السياسي في هذة الايام لظروف خاصة بي !! ... ولاحبذا الاكثار في كلاما لايؤدى الغرض منه لمجرد التعبير عن الرأي ولكن .. بالامس كان لي لقاء مع احد المواطنين البسطاء من محافظة لحج طور الباحه عبر بتلقائيه بمافي خوالج قلبه عن معاناة البسطاء من ابناء الشعب قالها وبكل عفوية دون حسابات حزبية ودون دافع مادي ولاحتى معنوي كون الحزب الاشتراكي اليمني ومنسوبيه ( وانا احدهم ) قــد اصبحوا في وادئ غير ذي زرع . المواطن الانسان محمد طربوش القدسي تركت له العنان ليتحدث لجهاز التسجيل الذي احمله في هكذا استطلاعات او لقاءت وغيرها حيث قال : انا محمد طربوش ... اشتغل كهربائي من اربعين سنه ولاعملتوا حاجــه حتى المـره حقي جالسة بالقريـة تحجــن وتـذري وتزرب وانا .. أنا مافيش معي فايــده ومامعي من المــره غير انها تدعي عليا ** وضع البلاد ايرك يامه معك هـــدره .. قولي مو؟ اصله .. الديمقراطية .. يعني خراط في خراط البلاد كلها مخراطه والا .. مجلس النـوووووواق ! ...
كنت زمان متقاعد بالقوات الجوية بالف شلن .. كان الاجانب يشتغلو نفس شغلي ويستلموا دبل ثلاثة اضعاف .. ماكانش معي الا .. اشيل رديفي وهربــه .. مافيش فايده ياحجيه خمو .. لو الرئيس تمام بس اللي تحته مش تمام .. وبعدين هو مفلت لهم .. بالله عليك هل مع الشعب هذا عقــل ؟ .. واحد سارق معروف للقاصي والداني يشلونه من المكان الى مكان ارسم منه ؟ .. كأنهم يقولون لنا على عيونكم .. البلاد مش حقكم .. الشعب مدوخ ماعايش؟ . ثورة ماعملوا الاولين بالثورة نصهم مجانين بالشارع والبقية ميتين جوع واللي ماتوا ق4هر ماينعدوش .. الثورة حقكم مثل البسه اكلت اولادها الملاح وسيبت الخياب يرفسوا ام هذا الشعب رفس .. لقلك رحلك مو البلاد حقكم البلاد سلمتوها برضاكم وخيرتكم عليا حرام انهم دخلوا شبوة ويافع والضالع ولافي حبه رصاص قرحــة .. حتى الدولارات اللي نفشونه اكتشفوا بعدين انها مزيفه موتقولي ؟ !! العنــد امانــه كان يقـدر يحارب الشرق الاوسط لوحدجة موتعملهم ؟
باعوها .. باعوها .. قلاط مقلط .. والنمامل فروا بالصحراء وسابوها .. لو كانوا عادهم هلهم يحكموا مع اصحاب ذلحين كانت البلاد احسن .. يستاهلون ماحصل هذا الشعب اعمالهم قبيحه وربنا سلط عليهم اللي هم العن منهم .. هيهات تخيلي ياحجية الجلن الزيت الرمــه قدو بالفان وخمسمائة ريال انت تذكري جلست القصعه الحليب الدانوا سنوات بخمسه وعشرون شلن ذلحين قدها بثلاثة الاف ايش من جنان .. حتى المعزة كانت ب 200شلن الان عشرون الف ..بيسهم ريش مافيبه بركه وبيسنا زمان فرانصه ماتستويش مع فلوس الرمه .. قالوا وحده هاشو الوحده ولامعي حاجه ولاطلعتوا من الدنيا بحاجه حانب بنفسي حتى الاراضي سحبوها من تحتنا مالكم .. ماحصل .؟ .. نشتري منهم ونتحرك بأمرهم ..