http://a4.sphotos.ak.fbcdn.net/hphot...88995841_n.jpg
زوامل بين علي صالح وعلي سالم البيض
بدء علي سالم البيض:
حيا بكم ياذي ولبتوا عندنا +++حيا أمنبر ذي جات لا فوق أمنبور
أمكاس ذي ذقنا شربتوا منها+++وأداك لا عمان رقاص الحيور.
رد علي صالح
اليوم شف ماشي حنق يا صاحبي+++ وحده بوحده والبقية با تدور.
زالت علينا نعمة الله كلنا+++ جينا وخلينا أمعساكر وأمقصور.
زامل ثانني لعلي صالح
سلامي عند سلطان البلد+++ والبيض يسمعني وذي عنده حضور.
الأرض سالت بالسيول العارمة+++ جرت عضاة الشعب من عف الجذور.
رد عليه البيض
يا صالح أتوقع على عمرك دلا +++ لا زالت الثوار في صنعاء تثور.
والدم ذي شعطرت ما يذهب سدى ++ والشرعبية خرجت ذي في أمقبور.
رد من علي صالح
الله يحي كل من حيا بنا +++ ياذري سالم دايرة بقعا تدور.
انا جيت طيارة وراسي في السماء +++ وانتوا هربتوا في السفن من جولد مور.
علي صالح زامل ثاني
يا صاحبي كانت معيه سابرة+++ كنت احسب الأوضاع بات ابقى سبور.
يا ما بغينا في سنين اقبالها+++ ما حد حسب منا لساعات الدبور.
علي صالح زامل ثالث
الله يحيي كل من حيا بنا+++ ما تمسي الثوار في صنعاء تدور.
الظلم نبرنا ونبر غيرنا+++ هذي سنن تمضي على مر العصور.
والثانية غش الرعية حرفتي+++والكذب كرهنا وزدنا في الفجور.
والثالثة في المال حدث لا حرج+++ أما الشريعة ما لها عندي حضور.
والرابعة دم البري في أعناقنا+++ ذي ذلنا بل كان ورطات الأمور.
علي صالح زامل رابع
الله يحيي كل من حيا بنا+++ ما أفصح وينعث من حسينات الجرور.
من بعدكم ماعاد شفنا شي سلا+++ وش ساقنا لاعندكم غير الدبور.
قد قال تاليت المحنش للحنش+++ وأحنا وياكم تاليتنا للقبور.
والشعب لا قدام قومها معه+++ لا قال ثوري كلها قامت تثور.
ها خلني من كثر هرجات الدول+++ رع قد شعل قلبي وجسمي بالحرور.
شي بات عين لي عمل من جيزكم+++ باذوق من ذي ذاق شعبي من قهور.
علي سالم البيض
حيا بكم يا ذي ولبتوا عندنا+++عد المنازل ذي تسوها والقصور
عشنا وشفنا كل متبقي لنا+++لا دين قومنا ولا طيب الامور
تستاهلون الطرد من أرض اليمن+++ ياذي نشرتوا الفقر وانواع الشرور
علي صالح
الله يحيي كل من حيا بنا +++ بالبيض ذي غادر بلاده من دهور
السبق لأهل الفضل من أمثالكم+++ واحنا لحقنا يوم كثرنا غرور
هذا جزا الظالم وحمال الخنا+++والمفتري الكذاب يومه بالدبور
والكل في ذا الفن عمره قد فنا+++ البيض سودها ولحمر في القعور.
زامل ثاني لعلي صالح
الله يحيي كل من حيا بنا+++ تعداد ما كنا على الباطل سبور
كلاً خذل شعبه وكلاً خادعه++++ظلمة قفا ظلمة وما للناس نور
واليوم لا صاحب نفعنا أو ولد++++ حتى النصارى ذي عبدناهم دهور
بانت حقيقتنا وكمل كذبنا++++ والشعب يتوعد بنا يوم الثبور
عاد الدواهي بعدنا متلاحقة++++والداهيه يا البيض في يوم النشور.
علي سالم البيض
ماليوم شفنا في الهوا قدنا سوا+++ ما غرنا غير التكبر والغرور
من يصنع الزينة تجازى مثلها +++وان حد عصا شعبه فتاليته دبور
