بنت الأصيل - الشاعرة شموخ

.

شاعرة إسمها شموخ أول مرة أسمع بها ........

يالله يامنشئ المزون ألي علينا ممطـــــــــــــــرات______ ياللي تسيرها بأمرك ياعليم وياقديــــــــــــــــــر

يالله دخيلك من ليال حالكات موحشـــــــــــــــــات______ مرعبات خاليات باردات لهن صفيـــــــــــــــــر

يالله دخيلك من جروح لها سنين نازفـــــــــــــات______ بي خافيات داميات ما يعالجها خبيـــــــــــــــــر

يالله عفوك من شراب الذل صرنا شاربــــــــــــات______ يالله يالله ما بقى فينا عظم ما هو كسيـــــــــــــر

يالله يالله ما نبي من هالبشر عز وغنــــــــــــــــاة______ ياخالفي ليه البشر من غير إحساس تسيـــــــــر

ياهل الرجوله والقيم ماحنا ليوث ضاريــــــــــــات______ نواجه الظلم الذي مثل حد السيف الشطيـــــــــر

إحنا الشرف إحنا الأمم احنا أمهات ساميـــــــــــــات______ من دمنا أنتم ترى إن كانت شيخ أو أميـــــــــــــر

نرفع قبايل للسما إن كنا بنات محصنــــــــــــــــات______ ونذلهم لا قدر الله في خطى عار سعيـــــــــــــــر

هاذي أنا بنت الأصيل وكلي إيمان وثبــــــــــــــات______ عشت الحياة بمرها ماجتني مفروشه حريـــــــر

هذي همومي تزعجن حتى وأنا بفرض الصـــــلاة______ هذي دموعي تحرقن وألجأ لربي وأستخيـــــــــر

هذي ملامح حزننا على الوجيه الشاحبـــــــــــــات______ هذي تفاصيل العنا تظهر على الجفن السهيــــــر

رغم الأسى قلبي رسا مثل الجبال الراسيــــــــــات______ عزمي قوي ما ينكسر لو كنت في وضع خطيـر

أنا أفتخر إني أنتمي لأهل العلوم الخالـــــــــــــدات______ شمر هلي ماهو خلي مكانهم عندي كبيــــــــــــر

وألي طعني بالظهر لأقصى الضلوع المهدفــــــات______ الله حسيبه يحاسبه في يومن حسابه عسيـــــــــر

عسى النوايب تهلكه وتضيق به كل الجهـــــــــــات______ عساه يالله للعمى دامه عن المله ضريـــــــــــــر

عسى بناته من لباس الستر يالله عاريـــــــــــــــات______ ألي على كل النسا متخيل إنه صار زيــــــــــــر

قولوا له إني ما اعتقه وهذي إيديني مخضبــــــــات______ من دمي إلي إنهدر من كذب معدوم الضميــــــر

منقول .