قصيده لاصحاب القلوب الرحيمه

قصيدة أم لولدها بعد ان وضعها في دار العجزة
تقول فيها الأم:



وين انت يا حمدان امـك تناديـك **** وراك ما تسمـع شكايـا وندايـا
يا مسندي قلبي على الدوم يطريـك*** ما غبت عن عيني وطيفك سمايـا
هذي ثلاث سنين والعيـن تبكيـك**** ما شفت زولك زاير يـا ضنايـا
تذكر حياتي يوم اشيلك واداريـك**** والاعبك دايـم وتمشـي ورايـا
ترقد على صوتي وحضني يدفيـك**** ما غيرك احدٍ ساكن فـي حشايـا
واليا مرضت اسهر بقربك واداريك ***ما ذوق طعم النوم صبح ومسايـا
ياما عطيتك من حنانـي وبعطيـك**** تكبر وتكبـر بالأمـل يـا منايـا
لكن خساره بعتني اليـوم وشفيـك ****واخلصت للزوجه وانا لي شقايـا
انا ادري انها قاسيـه مـا تخليـك**** قالت عجوزك مـا ابيهـا معايـا
خليتني وسط المصحه وانا ارجيك*** هذا جزا المعروف وهذا جزايـا
يـا ليتنـي خدامـة بيـن اياديـك ****من شان اشوفك كل يوم برضايـا
مشكور يا ولدي وتشكر مساعيـك*** وادعـي لـك الله دايـم بالهدايـا
حمدان يا حمـدان امـك توصيـك*** اخاف من تلحق تشوف الوصايـا
اوصيت دكتور المصحه بيعطيـك*** رسالتي واحروفهـا مـن بكايـا
وان مت لا تبخل علـي بدعاويـك*** واطلب لي الغفران وهذا رجايـا
وامطر تراب القبر بدموع عينيـك*** ما عـاد ينفعـك النـدم والنعايـا
هذا رد على القصيدة الام المسكينه ورساله للولد
أقول ياحمدان أمك تناديك @@@ وترفع بصوت عالي في نداها
وتقول ياحمدان عسى الرب يهديك @@@ وترجع أمك قبل تسكن ثراها
أمك عجوز طايحه تقبل أيديك @@@ ترجي عسى قلبك يلين برجاها
أمك تذكر مامضى لك وتفديك @@@ يوم أنك صغير وقلبك معاها
زوجتك ياحمدان تخلف هقاويك @@@ وتكره أمك في حشاك ألرضاها
دور رضى المولى عسى الرب يعطيك @@@ جنه عريضه تستريح بهناها
زوجتك ياحمدان ترضي عداويك @@@ واتعب أمك مع مرضها وعناها
زوجتك ياحمدان زادت بلاويك @@@ واول حبيبه لك أمك تراها
أمك لها حق وهي دوم تغليك @@@ ماترخصك لو القبر قد حواها
حمدان راجع ضامرك مع رجاويك @@@ لاتترك أمك ضايعه في غثاها
بكره تمنى صوت أمك أتناديك @@@ لكن هيهات المنى مع رجاها
وتقول ليت أمي تنادي وانا جيك @@@ أركض و لكن ماتنفع مناها
قبل يدين ألي تنادي و تغليك @@@ قبل يفوت الفوت و تطلب رضاها
وطرد عدو أمك وارفع هقاويك @@@ وفتح لها بيبان عينك و ماها
بكره يجي ولدك و بنتك و تعطيك @@@ مثل عطاك أمك و فعلك بداها
ويدخلونك في مواقف و تهليك @@@ الوالده حمدان ردو جزاها
زوجتك تبعد عنك وتقول مابيك @@@ أقعد مع الشياب واتبع هواها

أمك لها حق وهي دوم تغليك @@@ ماترخصك لو القبر قد حواها
حمدان راجع ضامرك مع رجاويك @@@ لاتترك أمك ضايعه في غثاها
بكره تمنى صوت أمك أتناديك @@@ لكن هيهات المنى مع رجاها
وتقول ليت أمي تنادي وانا جيك @@@ أركض و لكن ماتنفع مناها
قبل يدين ألي تنادي و تغليك @@@ قبل يفوت الفوت و تطلب رضاها
وطرد عدو أمك وارفع هقاويك @@@ وفتح لها بيبان عينك و ماها
بكره يجي ولدك و بنتك و تعطيك @@@ مثل عطاك أمك و فعلك بداها


صح لساااااااااااااااااااانك وجزاك خير

مرورك رائع وتشكر عليه والقصيده منقوله للعلم