" يجينا الصيف "
قصيده للشاعر فيصل اليامي توصف حال بعض من شبابنا هالأيام ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
يجينا الصيف وننتظره .. واذا عدى نبيه يعـود
ونفرحبه اذا جانا .. نقول الصيـف لا يعـدي
نحسب احسابنا بدري .. نفكر في الليالي السود
نفكر كيف نستانس .. وكيف نجيـب ونـودي
ندور للوناسه ويـن .. شبـاب قدهـا وقـدود
نسولف مع نجوم الليل .. ذوات المبسم الوردي
نغير موجه اللهجه .. حسب جنسيه الموجـود
مابين اشلون ..وعاوز ايه .. وشوبدك ومابـدي
بعضنا فلوسه اكثيره .. وبعضنا بين نقص وزود
وبعضنا مسافر بسلفه وفيزا بـس .. متحـدي
يبي اينقط على هذي .. ويلبس ذيك عقـد ورود
يضحكها وهي تضحك .. عشان يقول مـن قـدي
يظن انه ملك دنيـاه .. وودع حظـه المقـرود
مايدري انه بوضعه .. غدى في حـال متـردي
يفاخر بلخطا اللي .. يصده عن طريـق الجـود
يضيع نفسه بنفسه .. ويظن انه بعـد مقـدي
غلط والغلطه بعشره .. لرجل يعـرف المنقـود
خطا وأكبر خطا والله .. اضيـع نفسـي بيـدي
مادام ان العمر يمشي .. وتالي ذا الجسم للدود
اجل بالله وش وضعي .. اذا حطونـي بلحـدي
