مطاعم فى مصر تمنع دخول المحجبات
السلام عليكم
مطاعم فى مصر تمنع دخول المحجبات
http://www.egypty.com/images/top4/abeer_sabry_2.gif
قرر أصحابى دعوتى على خروجة صيفى حلوة على ظهر مركب من مراكب
النيل العايمة قلت أقبل العزومة و خصوصا أنهم شلة حلوة و مية مية و رحت
فى الميعاد .. و فى العربية تلقيت خبر من أصحابى يقولون : إحنا آسفين
غيرنا مكانا.. العزومة فى حتة تانية.
إفتكرت يعنى بحسن نية إن المكان مليان و محجوز .. قلت و ماله.. و رحت لهم
على الحتة التانية و لما دخلت سألتهم عن سبب تغير المكان فقالوا : أصل
أصحاب المركب مانعين دخول المحجبات .. ممنوع إيه..إيه..!!
ممنوع دخول المحجبات و فضلت زى الهبلة ربع ساعة أقول إيه..إيه و مش
مصدقة.. و مذهولة.. و مصدومة و مهبولة..!!
و سمعت صوت يطرقع فى ودانى على طريقة الأفلام العربية بيقول بصوت
عال: أنت محجبة..محجبة..محجبة..و فجأة صغرت أدام نفسى ..و إنكسفت
من نفسى .. و بصيت على نفسى يا لهوى ..إخص أنا محجبة ..يعنى إيه
قالعة هدومى .. لأ لابساها.. وقعت ورقة التوت اللى أنا لابساها .. و فجأة
إفتكرت مايكل جاكسون لما قال مقولته الشهيرة : لو أعرف إن العرب
بيسمعونى كنت بطلت أغنى .. و إفتكرت المصحف اللى بينداس برجلين
الأنجاس فى جوانتانامو .. و المعتقلين اللى بيغتصبوا .. و الأماكن اللى
بتمنع دخول العرب و الكلاب فى أوروبا .. و التليفزيون اللى مانع مذيعات من
الظهور على شاشته علشان محجبة .. محجبة.. الحمد لله إن إحنا إتطورنا
و بقينا خواجات و عشنا و شوفنا مكان فى مصر اللى إبتسامتها ما تتنسيش
يمنع دخول المحجبات ، الله طب .. و إشمعنى بقى المايوهات.
نقلا عن جريدة صوت الأمة
مشاركة: مطاعم فى مصر تمنع دخول المحجبات
السلام عليكم
نقل موفق أختي الفاضلة وفاء
وهذا إن دل على شئ فيدل على فساد هؤلاء الناس, وبعدهم عن الاسلام
بارك الله فيك
مشاركة: مطاعم فى مصر تمنع دخول المحجبات
لا اله الا الله
ايه هذا العمل
جزاك الله خير اختي وفاء
لكي مني تحياتي واحترامي
مشاركة: مطاعم فى مصر تمنع دخول المحجبات
اشكرك على هذا الكلام الجميل والقوي [i]
وسبحان مغير الأحوال
ناس كانو فيييييييييين ورحعو فييييييييييييين
الحمد لله على نعمة الإسلام و ان بناتنا وخواتنا محجبات
بس في بعض النقص عليهم ادا صلحوهم
إنشاء الله بيكونوا احسن واحسن
وجزاك الله خير
و كنت اشتي اقول المقولة بس خلاص
مشاركة: مطاعم فى مصر تمنع دخول المحجبات
اشكركم جميعآ
أخواني الأفاضل على مروركم
وهذا مايريده العرب محو أسلامنا
من جذوره ولاحولة ولاقوة إلا بالله
إذا كان هذا في بلاد العرب ونحن
هنا نفي اروبا دخل أجمل وابهه
المطاعــم بحجابنا .. ونجد عيون
الإعجاب تلاحقنا لتمسكنا تعاليم
ديننا الحنيف ..
مع كل تقدير لإطلاعكم