الزين ماهو من شروط الرجوله
قالت ترى منت بحلو قلت رجـال= والزين ماهو من شروط الرجوله
الزين يلقى عنـد لباسـة الشـال= والرجل زين ان كان زانت فعوله
قالت علامك تلبس شماغ وعقـاال =انت بدوي؟ قلت بدوي ومن حموله
ما ألبس بناطيل لها الوان واشكال= وامتر الشارع بعرضـه وطولـه
قالت اجل راعـي معاميـل ودلال= شرب القهاوي تحسبونه بطولـه
كيفي يابنت الحضر دله وفنجـال= وحليب خلفـه بالمـراح معقولـه
وحب الكرم والجود وعلوم الابطال= مغروس فينا من زمان الطفولـه
قالت ترى بنت البدو حظها مـال= قلت احذري حذرا تكوني جهولـه
بنت البدو يابنت مضرب للامثـال= فوق الجمال وطاعة الله خجولـه
ماحطة اصباغ ولا حطـت ظـلال= ولا سيرة بالسوق سير مهبولـه
هي مهرة تصعب على كل خيـال= وانتي ومثلك عسفهن بالسهولـه
قالت تغزل بي وشف حبة الخـال= ناظر عيوني والرموش الكسولـه
قلت العفو مايجتمع حـب وهبـال= ولكـل ذوق فالمزاييـن رجـولـه
قلتي وقلت وكلمة الصدق تنقال ؟= الزين ماهو من شروط الرجولـه
|
الابيات للشاعر/ مرزوق السلمي
رد: الزين ماهو من شروط الرجوله
اهداء الى كل متذوقي الشعر
رد: الزين ماهو من شروط الرجوله
يا الله
وانت ياابو نواف مش رجال انت سيد الرجال
كلمات في غاية الروعه
كلك ذوق استاذي
تسلم الايادي
ودمت بالف خير
رد: الزين ماهو من شروط الرجوله
صح لسانه ..
ولاهان شاعرنا .. ومشرفنا ..
تحيتي ..
رد: الزين ماهو من شروط الرجوله
Quote:
Originally Posted by
حنــــان
صح لسانه ..
ولاهان شاعرنا .. ومشرفنا ..
تحيتي ..
يامال العافيه
رد: الزين ماهو من شروط الرجوله
استاذي طه دائما رائع
وردودك مميزه
ويعطيك الف عافيه
رد: الزين ماهو من شروط الرجوله
يعطيك الف عافيه ابو نواف على هذا النقل المميز وشكراً على اختيار هذه القصيده الجميله فلك من قلبي كل حبه
رد: الزين ماهو من شروط الرجوله